開心一籮 【第一頁】【第二頁】【第三頁】

黃子話搞笑語錄-死亡 細個o個陣，我係唔怕死o既。 我覺得，係以前o的人先會死o既。 係歷史書裡面o既人至會死。 好多人唔明歷史有嘜用，歷史o米話你聽邊o的人死o左囉。 我從來未睇過一本歷史書有提到黃子華呢個名，我點會死呀。 最緊要係,就算死都唔係嘜o野一回事。 細個o個陣隔離陳師奶成日叫佢老公: [咁多人去死你仲唔去死?] 然後去完番o黎，阿陳師奶又會話: [死番o黎勒，唔死多陣添?] 所以我一路都認為，去死，即係去街，同埋一定唔會去好遠。 因為阿陳生每次都好快就返黎o既。