 開心一籮
|
|---|
|
|
失戀係會令人成長o既。
我失戀之前，一向都覺得世界上所有問題都有答案。
點解我地每日都要8點鐘起身返工呀?
因為夠鐘o羅!
點解我地有夠鐘呢樣o野呀?
因為我地唔用浮動上班時間o羅。
點解呢個世界有戰爭?
因為我地有武器o羅。
o甘點解我地要有武器呀?
因為佢地有武器o羅。
一切都有答案，直到我失戀。
阿珍，點解你唔愛我?
阿珍比o左一個經典既答覆我，佢話：
「愛情係冇點解o架，係唔可以解釋o架,唔好問啦。」(記緊這句啦)
如果番學阿sir問我o野都可以o甘答就好o勒!
「黃子華，物体燃燒點解需要氧氣呀?」
「阿sir，係冇點解o架，係唔可以解釋o架，唔好問我啦!」
|
